ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో కల్కి 2898 ఏడీ (Kalki 2898 AD) విడుదలకు నెల రోజుల సమయం మాత్రమే ఉంది. ఈ సినిమా ప్రమోషన్స్ కూడా భారీ లెవెల్ లో జరుగుతున్నాయనే సంగతి తెలిసిందే. కల్కి సినిమా విడుదలైతే చాలా సినిమాల కలెక్షన్ల రికార్డులు బ్రేక్ అవుతాయా? లేదా? అనే చర్చ ప్రేక్షకుల మధ్య జోరుగా జరుగుతోంది. ఈ సినిమా ట్రైలర్ కోసం ప్రేక్షకులు ఒకింత ఆసక్తిగా ఎదురుచూస్తున్నారు. ఈ సినిమాలో కమల్ హాసన్ (Kamal Haasan) విలన్ గా నటిస్తున్నారని ఇప్పటికే ఎన్నో వార్తలు ప్రచారంలోకి వచ్చాయి.
కల్కి 2898 ఏడీలో దీపిక (Deepika Padukone) రోల్ కూడా నెగిటివ్ షేడ్స్ లో ఉండనుందని సమాచారం అందుతోంది. ఆమె పాత్రకు సంబంధించిన ట్విస్ట్ నెక్స్ట్ లెవెల్ లో ఉంటుందని సినిమాలో ఆమె పాత్ర ట్విస్ట్ ప్రేక్షకులను సర్ప్రైజ్ చేయనుందని తెలుస్తోంది. వైరల్ అవుతున్న ఈ వార్తలో నిజానిజాలు తెలియాల్సి ఉంది. ఈ సినిమాకు సంబంధించి దీపిక కన్నడ, హిందీ భాషల్లో సొంతంగా డబ్బింగ్ చెబుతున్నారని సమాచారం అందుతోంది.
ఇతర భాషల్లో మాత్రం ఆమె పాత్రకు డబ్బింగ్ ఆర్టిస్ట్ లతో డబ్బింగ్ చెప్పిస్తున్నారని తెలుస్తోంది. దీపిక నిజంగానే విలన్ గా కనిపిస్తే ప్రేక్షకులు ఆశ్చర్యానికి గురయ్యే అవకాశాలు అయితే ఉంటాయి. కల్కి ట్రైలర్ లో ఇందుకు సంబంధించి ఏవైనా షాట్స్ ఉంటాయేమో చూడాలి. కల్కి 2898 ఏడీ సరికొత్త రికార్డులను క్రియేట్ చేసే మూవీ అవుతుందని ఫ్యాన్స్ భావిస్తున్నారు.
ఈ సినిమాకు పాజిటివ్ టాక్ వస్తే 2024 సంవత్సరం ప్రభాస్ దే అని కామెంట్లు వ్యక్తమవుతున్నాయి. కల్కి సినిమా అమెరికా హక్కులు 50 కోట్ల రూపాయల రేంజ్ లో అమ్ముడయ్యాయని సమాచారం అందుతోంది. కల్కి 2898 ఏడీ సినిమాలో ఒక పాట మాత్రమే ఉంటుందని తెలుస్తోంది. కల్కి సినిమా విషయంలో నాగ్ అశ్విన్ పూర్తిస్థాయి కాన్ఫిడెన్స్ తో ఉన్నారు.