కామెడీ సినిమాలకి ఎప్పుడూ మంచి డిమాండ్ ఉంటుంది. అందులోనూ యూత్ ఫుల్ కామెడీ సినిమాలకి బాక్సాఫీస్ వద్ద కాసుల వర్షం కురిసిన సందర్భాలు ఎన్నో ఉన్నాయి. అలాంటి సినిమానే ‘14 డేస్ గర్ల్ ఫ్రెండ్ ఇంట్లో’ (14 Days Girlfriend Intlo ). వరుసగా కంటెంట్ ఉన్న పాత్రలు చేస్తూ పాపులర్ అయిన నటుడు అంకిత్ కొయ్య ( Ankith Koyya) హీరోగా నటిస్తున్న ఈ చిత్రంలో శ్రియా కొంతం హీరోయిన్ గా చేసింది. ‘శ్రీ సత్య ఎంటర్టైన్మెంట్’ బ్యానర్ పై సత్య ఈ చిత్రాన్ని ఎంతో ప్రతిష్టాత్మకంగా నిర్మించారు.
14 Days Girlfriend Intlo
శ్రీ హర్ష దర్శకుడు. ఆల్రెడీ ఈ చిత్రం నుండి స్నీక్ పీక్ రిలీజ్ అయ్యింది. దానికి ప్రేక్షకుల నుండి సూపర్ రెస్పాన్స్ వచ్చింది. ఆ స్నీక్ పీక్లో.. ‘హీరో తన గర్ల్ ఫ్రెండ్ ఇంట్లో పడుకుని ఆమె బయటకు వెళ్లే టైంకి నిద్ర లేవడు. దీంతో ఆమె తమ ఫ్లాట్ కి సంబంధించిన ఒక ‘కీ’ లోపల పెట్టి.. మరో ‘కీ’ తో డోర్స్ క్లోజ్ చేసి వెళ్ళిపోతుంది. దీంతో హీరో అక్కడ లాక్ అయిపోతాడు.
తర్వాత తన స్నేహితుడు(వెన్నెల కిషోర్) కి (Vennela Kishore) ఫోన్ చేసి అక్కడికి రమ్మంటాడు. ‘లోపల ఉన్న కీ విసురుతా.. అది క్యాచ్ పట్టుకుని వచ్చి డోర్ తీస్తే నేను బయటకు రాగాలను’ అని అతని చెబుతాడు. కానీ ఆ కీని తన స్నేహితుడు క్యాచ్ పట్టుకోలేడు. అది కింద పడిపోతుంది.ఆ తర్వాత ఏం జరిగింది?’ అనే సస్పెన్స్ ను రేకెత్తిస్తూ స్నీక్ పీక్ ను ఎండ్ చేశారు.
ఆ మిగతా భాగాన్ని మనం థియేటర్లో చూడాలి. ‘సెన్సిబుల్ మెసెజ్ ఇస్తూనే ఆద్యంతం నవ్వించేలా ఈ సినిమా ఉంటుందని, మనకి ‘అమృతం’ వంటి సీరియల్స్ ను గుర్తుచేస్తుంది’ అని మేకర్స్ ఆశాభావం వ్యక్తం చేస్తున్నారు. మరి థియేటర్లలోకి ‘14 డేస్ గర్ల్ ఫ్రెండ్ ఇంట్లో’ (14 Days Girlfriend Intlo ) సినిమా ఎప్పుడు వస్తుంది? అనేదేగా మీ నెక్స్ట్ ప్రశ్న? ఫిబ్రవరి 14న వాలెంటైన్స్ డే కానుకగా ఈ సినిమా థియేటర్లలో రిలీజ్ కాబోతోంది.