మహేష్ బాబు (Mahesh Babu) – రాజమౌళి (S. S. Rajamouli) సినిమా గురించి ఇప్పటి వరకు అధికారిక ప్రకటన కూడా ఇచ్చింది లేదు. కానీ సైలెంట్ గా పూజా కార్యక్రమాలు అల్యూమినియం ఫ్యాక్టరీలో నిర్వహించారు. దానికి సంబంధించిన ఒక్క ఫోటో కూడా బయటకు రాకుండా జాగ్రత్త తీసుకున్నారు. బహుశా ఆ పూజా కార్యక్రమం ఎపిసోడ్ ను కూడా నయనతార (Nayanthara) పెళ్లి ఎపిసోడ్లా నెట్ ఫ్లిక్స్..కో , అమెజాన్ ప్రైమ్ వీడియోకో అమ్ముకుందామనుకుంటున్నారో ఏమో..! అసలు ఈ ప్రాజెక్టు గురించి అక్కడా, ఇక్కడా రాజమౌళి చెప్పడమే తప్ప..
SSMB29
మహేష్ బాబు కూడా ఎక్కడా దీని గురించి మాట్లాడుతుంది లేదు. ఇదిలా ఉండగా.. ఇటీవల ఈ ప్రాజెక్టులోకి ప్రియాంక చోప్రా (Priyanka Chopra) ఎంటర్ అయ్యింది. ఆమె హైదరాబాద్ వచ్చింది. ఫోటో షూట్ చేశారు. తర్వాత ఆమె అక్కడా, ఇక్కడా తిరిగింది. ఆమె గురించి క్లారిటీ ఇవ్వాలని భావించి.. రాజమౌళి ఈలోపు సింహాన్ని జైల్లో పెట్టి పాస్ పోర్ట్ కొట్టేసినట్టు ఓ వీడియో వదిలాడు.
దానికి మహేష్ బాబుని టూర్లకు వెళ్లకుండా అడ్డగించినట్టు అనుకోవాలి. కానీ దానికి కూడా మహేష్ బాబుతో పాటు ప్రియాంక చోప్రా రిప్లై ఇచ్చి హాట్ టాపిక్ అయ్యింది. ఇక రెండు రోజుల నుండి ఈ ప్రాజెక్టు నుండి పృథ్వీరాజ్ సుకుమారన్ (Prithviraj Sukumaran) తప్పుకున్నాడు.. అతని బదులు జాన్ అబ్రహంని (John Abraham) తీసుకున్నారు అంటూ ప్రచారం మొదలైంది. అయితే ఇంతలో పృథ్వీరాజ్ సుకుమారన్.. ‘ఇంకా ఏదీ ఫైనల్ కాలేదు’ అన్నట్టు ఓ మీడియా సంస్థకు క్లారిటీ ఇచ్చాడు.
సో అతను ఉన్నట్టే.. అని అంతా మాట్లాడుకుంటున్నారు. పరోక్షంగా దీన్ని పృథ్వీరాజ్ సుకుమారన్ కన్ఫర్మ్ చేసినట్టే అనుకోవాలి. కాబట్టి..ఆ టాపిక్ ని డైవర్ట్ చేయడానికి అనుకుంట.. ప్రియాంక చోప్రాతో దిగిన ఫోటోని రాజమౌళి టీం బయటికి వదిలింది. ఇందులో సంగీత దర్శకుడు కీరవాణి కూడా ఉండటం గమనార్హం.