పవన్‌ కల్యాణ్‌ (Pawan Kalyan) సినిమాలు ఇప్పుడు విడుదలయ్యే అవకాశాలు ఉన్నాయా? ఆంధ్రప్రదేశ్‌ అసెంబ్లీ ఎన్నికల హడావుడి మధ్యలో ఇప్పట్లో పవన్‌ తిరిగి సినిమా సెట్స్‌కి వచ్చేలా కనిపించడం లేదు. జులైలో కానీ ఆయన ‘సినిమా పవన్‌’గా మారరు. దీంతో ఇప్పట్లో సినిమాలు వచ్చే అవకాశం లేదు. అయితే ఇప్పుడు సోషల్‌ మీడియాలో పవన్‌ సినిమాలకు సంబంధించిన విషయాలు ట్రెండింగ్‌లో ఉన్నాయి. కారణం ఓ ఓటీటీ సంస్థకు సంబంధించిన కార్యక్రమంలో త్వరలో హైదరాబాద్‌లో జరగనుంది.
అదేంటి, ఓటీటీ కార్యక్రమానికి, పవన్‌ సినిమాలకు ఏం సంబంధం అని అనుకుంటున్నారా? ఆ కార్యక్రమంలో పవన్‌ సినిమాలకు సంబంధించిన గ్లింప్స్‌ రిలీజ్‌ చేస్తారని చెబుతున్నారు. ఈ లిస్ట్‌లో ‘ఉస్తాద్‌ భగత్‌ సింగ్‌’(Ustaad Bhagat Singh) , ‘ఓజీ’(OG) సినిమాలు ఉన్నాయి అంటున్నారు. ఈ రెండు సినిమాలకు సంబంధించి గ్లింప్స్‌ వీడియోలను సిద్ధం చేస్తున్నారని టాక్‌. ‘ఓజీ’ టీమ్‌ నుండి ఇప్పటివరకు ఎలాంటి సమాచారం లేకపోయినా… ‘ఉస్తాద్‌ భగత్‌ సింగ్‌’ టీమ్‌ నుండి కాస్త సమాచారం వచ్చింది.
‘ఉస్తాద్‌ భగత్‌ సింగ్‌’ సినిమా టీమ్‌ ఓ ట్వీట్‌ చేసింది. ‘ఎక్స్‌పెక్టెడ్‌ ది అన్‌ ఎక్స్‌పెక్ట్‌డ్‌’ అంటూ ఓ ట్వీట్‌ చేసింది. అంటే ఊహించని విషయం ఒకటి ఊహించండి అంటూ ఆ ట్వీట్‌లో రాసుకొచ్చింది. ఇందులో ఎలాంటి సమాచారం లేకపోయినా… అంతర్గత టీమ్‌ ప్రకారం అయితే మార్చి 19న సినిమా నుండి ఓ గ్లింప్స్‌ వస్తుందని, అందుకే అలా ట్వీట్‌ చేశారని చెబుతున్నారు. ఇక ‘ఓజీ’ టీమ్‌ కూడా ఇదే తరహా ప్లాన్‌లో ఉందట.
ఒకవేళ అదే జరిగితే… ఈ రెండు సినిమాల ఓటీటీ పార్ట్‌నర్‌ అమెజాన్‌ ప్రైమ్‌ అని చెప్పొచ్చు. ఒకవేళ అదే జరిగితే… ఇటీవల కాలంలో ఇది చాలా పెద్ద విషయం అని చెప్పొచ్చు. ఎందుకంటే రీసెంట్‌గా టాలీవుడ్‌లో పెద్ద హీరోల సినిమాలు ఎక్కువగా నెట్‌ఫ్లిక్స్‌లో వస్తున్నాయి. ఈ మధ్య ఆ ఓటీటీ పెద్దలు టాలీవుడ్ స్టార్‌ హీరోలందరినీ కలిసిన విషయం తెలిసిందే. కానీ ప్రైమ్‌లో ఇలా పెద్ద సినిమాలు రావడం గమనార్హం.
రజాకర్ సినిమా రివ్యూ & రేటింగ్!
లంబసింగి సినిమా రివ్యూ & రేటింగ్!
సేవ్ ది టైగర్స్: సీజన్ 2 వెబ్ సిరీస్ రివ్యూ & రేటింగ్!