నందమూరి కుటుంబానికి దర్శకుడు వై.వి.ఎస్ చౌదరి (Y. V. S. Chowdary) బంధం సుదీర్ఘమైనది. తారకరామారావు (Sr NTR) గారి స్పూర్తితో సినీ రంగంలో అడుగుపెట్టిన అతను, నందమూరి హరికృష్ణకు (Nandamuri Harikrishna) మంచి విజయాలు అందించారు. కమర్షియల్ గా ఈ దర్శకుడిగా తనకంటూ ఒక ప్రత్యేకమైన గుర్తింపుని అందుకున్నారు. ఇప్పుడు హరికృష్ణ మనవడు, జానకీరామ్ (Janaki Ram Nandamuri) కుమారుడిని హీరోగా పరిచయం చేయడానికి మరోసారి నందమూరి కుటుంబం బాధ్యతలను తీసుకున్నాడు. ఈ కొత్త వారసుడి ప్రయాణం ఎలా ఉండబోతుందో అందరిలోనూ ఆసక్తి నెలకొంది.
Nandamuri Fans
ఇప్పటివరకు ఈ కొత్త హీరోను మీడియా ముందుకు తీసుకురాకపోవడంతో అభిమానులు ఎగ్జైట్మెంట్‌తో ఎదురు చూస్తున్నారు. అందుకే దీపావళి పండుగ టైమ్ లో అక్టోబర్ 30న ఫస్ట్ లుక్ విడుదల చేయడానికి ప్రత్యేక డేట్ ప్లాన్ చేస్తున్నట్లు సమాచారం. ఆ లుక్‌ను నందమూరి అభిమానుల హృదయాల్ని ఆకట్టుకునేలా డిజైన్ చేయిస్తున్నారని వినికిడి. వైవిఎస్ చౌదరి సినిమా హీరోల లుక్ అంచనాలకు మించి ఉండటం సాధారణమే.
కానీ ఈసారి, ఈ కొత్త వారసుడిని ఎలా ప్రెజెంట్ చేస్తారనేది ఆసక్తికరంగా మారింది. సాధారణంగా ఈ దర్శకుడు తనదైన శైలిలో ఫ్యామిలీ విలువలు, స్టైల్ కి ప్రాముఖ్యమిచ్చేలా చూపిస్తాడు. ఫస్ట్ లుక్ తరువాత, ఈ కొత్త హీరోను ఎలాంటి పాత్రలో పరిచయం చేస్తారనే క్లారిటీ రానుంది. వైవిఎస్ చౌదరి చాలా కాలం తర్వాత దర్శకుడిగా వస్తుండటంతో ఈ ప్రాజెక్ట్‌పై భారీ అంచనాలు ఉన్నాయి. అంతేకాకుండా ఈ సినిమాలో కీరవాణి (M. M. Keeravani) , చంద్రబోస్ ( Chandrabose), సాయిమాధవ్ బుర్రా (Sai Madhav Burra) వంటి ప్రఖ్యాత టెక్నీషియన్లు పని చేస్తున్నారు.
సినిమా ఇండస్ట్రీలో మార్పులు దృష్ట్యా, వై.వి.ఎస్ చౌదరి తనలోని పట్టుదలతో ఈ ప్రాజెక్ట్‌ను కొత్తగా తీర్చిదిద్దుతున్నట్లు కనిపిస్తోంది. ఇక సినిమాకు సంబంధించిన ఫస్ట్ లుక్ రిలీజ్ అనంతరం షూటింగ్ ని జెట్ స్పీడ్ లో ఫినిష్ చేయనున్నారు. ఇక సినిమా రిలీజ్ డేట్ పై కూడా త్వరలోనే క్లారిటీ ఇవ్వనున్నట్లు తెలుస్తోంది.