‘కల్కి..’ (Kalki 2898 AD) సినిమా ఈరోజు ప్రేక్షకుల ముందుకు వచ్చింది. తొలి ఆటకే సినిమా సూపర్ హిట్ టాక్ ను సొంతం చేసుకుంది. దీంతో బాక్సాఫీస్ వద్ద సందడి గట్టిగానే కనిపిస్తుంది. మూడు నెలల నుండి ఒక్క పెద్ద సినిమా కూడా రిలీజ్ కాలేదు. కాబట్టి.. ఫ్యామిలీ ఆడియన్స్ కూడా ఇప్పటివరకు థియేటర్లకు దూరంగా ఉంటూ వచ్చారు. మొత్తానికి ఇప్పుడు ప్రభాస్ నటించిన ‘కల్కి..’ రావడంతో ఫ్యామిలీ ఆడియన్స్ కూడా థియేటర్స్ క్యూలు కడుతున్నారు.
అందులోనూ ఇందులో చిన్న పిల్లల్ని ఎట్రాక్ట్ చేసే ఎలిమెంట్స్ కూడా ఎక్కువగానే ఉన్నాయి. అందుకే ఆక్యుపెన్సీలు షో షోకి పెరుగుతూనే ఉన్నాయి. సింగిల్ స్క్రీన్స్ చాలా వరకు హౌస్ ఫుల్ బోర్డులతో కళకళలాడుతున్నాయి. మరి మొదటి రోజు ఈ సినిమా కలెక్షన్స్ వివరాలు ఎలా ఉండొచ్చు. సోలో రిలీజ్ దక్కింది కాబట్టి.. ‘ఆర్.ఆర్.ఆర్’ (RRR) పేరిట ఉన్న రికార్డులను ‘కల్కి..’ ఏమైనా బ్రేక్ చేసే ఛాన్స్ ఉందా? వంటి ప్రశ్నలు ఎక్కువగా వినిపిస్తున్నాయి.
‘ఆర్.ఆర్.ఆర్’ తొలి రోజు రూ.225 కోట్ల గ్రాస్ ను కొల్లగొట్టింది. ‘కల్కి..’ కి అంత సినిమా ఉందా? అంటే ట్రేడ్ పండితుల సమాచారం ప్రకారం..అదీ ప్రజెంట్ ట్రెండ్ ను బట్టి(మ్యాట్నీల వరకు) ‘కల్కి 2898 ad’ రూ.195 కోట్ల నుండి రూ.200 కోట్ల వరకు గ్రాస్ నమోదు చేసే ఛాన్స్ ఉందట. ఆఫ్ లైన్ టికెట్ సేల్స్ కనుక అనుకున్నట్టు వస్తే రూ.210 కోట్ల వరకు గ్రాస్ నమోదయ్యే ఛాన్స్ ఉన్నట్లు స్పష్టమవుతుంది.