శ్రీనాథ్ మాగంటి (Srinath Maganti) ‘హిట్’ (HIT: The First Case) ‘హిట్ 2’ (HIT: The First Case) సినిమాలతో బాగా పాపులర్ అయ్యాడు. గత ఏడాది వచ్చిన రణబీర్ కపూర్ (Ranbir Kapoor) – దర్శకుడు సందీప్ రెడ్డి వంగా (Sandeep Reddy Vanga)..ల ‘యానిమల్’ (Animal) లో కూడా కార్తీక్ అనే రోల్లో నటించాడు. త్వరలో రాబోతున్న.. అంటే అక్టోబర్ 31 న విడుదల కాబోతున్న ‘లక్కీ భాస్కర్’ (Lucky Baskhar) లో కూడా ఓ ముఖ్య పాత్ర పోషించాడు.ఇతని నటన గురించి దర్శకుడు త్రివిక్రమ్ శ్రీనివాస్ (Trivikram) చాలా గొప్పగా చెప్పడం ఇప్పుడు హాట్ టాపిక్ అయ్యింది.
Trivikram
అవును ‘లక్కీ భాస్కర్’ ప్రీ రిలీజ్ ఈవెంట్ నిన్న జె.ఆర్.సి కన్వెన్షన్లో ఘనంగా జరిగింది. ఈ వేడుకకి త్రివిక్రమ్, విజయ్ దేవరకొండ (Vijay Devarakonda) గెస్ట్..లు గా వచ్చారు. ‘సితార ఎంటర్టైన్మెంట్స్’ అతనికి హోమ్ బ్యానర్ వంటిది కాబట్టి.. త్రివిక్రమ్ ముందుగానే ఈ చిత్రాన్ని చూసేసాడట.సినిమాపై త్రివిక్రమ్ చాలా కాన్ఫిడెంట్ గా కనిపించాడు. ఈ క్రమంలో దుల్కర్ సల్మాన్ (Dulquer Salmaan) పెర్ఫార్మన్స్ తో పాటు ఇంకొంతమంది నటీనటుల గురించి అతను ప్రత్యేకంగా ప్రస్తావించాడు.
ఈ క్రమంలో శ్రీనాథ్ మాగంటిని చూసి.. ‘మీరు ఇక్కడ ఉన్నారని చెప్పడం కాదు. నాకు మీ పేరు తెలీదు బ్రదర్.. ఐ యాం సారీ. కానీ చాలా చాలా బాగా చేశారు మీరు. మనీ అనే ఒక ఎడిక్షన్లో పడిపోయిన తర్వాత మనుషులు హార్ట్ లేకుండా హార్డ్ గా ఎలా అయిపోతారు అనేదాన్ని ఆ హాస్పిటల్ సీన్లో చాలా బాగా చేశావు’ అంటూ త్రివిక్రమ్ శ్రీనివాస్ (Trivikram) ప్రశంసించారు. అంత పెద్ద దర్శకుడు గుర్తుపెట్టుకుని మరీ అప్ కమింగ్ యాక్టర్ ని అభినందించడం అంటే విశేషంగానే చెప్పుకోవాలి.